Byahe ni Cope sa Leyte

            Leyte, probinsiya na matatagpuan sa Visayas. Dito matatagpuan ang sikat na McArthur Shrine at ang pinakamahabang tulay sa Pilipinas, ang San Juanico Bridge. Pero napakarami pang ibang magagandang lugar ang makikita dito. Tara, tuklasin natin ang Leyte!

            Pangalawang beses ko nang makapunta sa Visayas. Ang unang beses ko ay noong nagpunta ako sa Cebu. Napadpad at natuklasan ko ang Leyte dahil sa aking tita na doon nagmula. Niyaya kami ng aking kapatid at step-mom na pumunta at sumama sa Leyte nung Mayo 2017 dahil may fiesta doon tuwing Mayo at para i-celebrate na rin ang kaarawan ko at ng dalawa kong pinsan.

            Nagsimula kaming magbyahe papuntang Leyte noong Mayo 7 ng gabi gamit ang van na inarkila namin.  Isang napakahabang byahe, halos isang buong araw, kaya gabi ng Mayo 8 kami nakarating ng Leyte.

            Sa bahay ng tita ko sa Baybay City, Leyte kami nanuluyan sa buong linggo ng paglagi namin sa Leyte. Ang tita ko na rin ang nag-provide ng pagkain at nag-ayos ng itinerary namin. At ito ang itinerary namin nung namasyal kami sa Leyte:

 DAY 1 (May 9, 2017)

Ilog na pinuntahan namin.

Nagpunta kami na malinis na ilog malapit na tinutuluyan namin. Kumain, naligo, uminom at in-enjoy lang naming ang sariwang hangin at berdeng paligid.

Kinahapunan, nang magsawa na kami sa ilog, pumunta naman kami sa Corals Beach Resort para mag-swimming at para doon na rin magpalipas ng gabi.

DAY 2 (May 10, 2017)

Corals Beach Resort

Birthday celebration ng pinsan ko, sa Corals Beach Resort pa rin. Maraming handa, at ang pinagkaguluhan ay ang lechon. Ewan ko pero ako lang ba ang hindi excited sa lechon? Di kasi ako kumakain nun eh. Haha.

Pero sa Corals Beach Resort, mas gusto naming mag-swimming magpipinsan doon sa mababaw na swimming pool kesa sa dagat dahil mabato. At yun siguro yung mababaw na pinag-swimmingan ko nang enjoy na enjoy ako. Siguro dahil na rin sa mga kasama.

DAY 3 (May 11, 2017)

Hindang Cave and Wild Monkeys

ZIPLINE!!!

Dalawang lugar ang pinuntahan naming nang araw na yon. Una ay sa Hindang Bontoc Cave and Wild Monkeys plus zipline!!! Dito ay maraming kweba, at yung mga unggoy dito ay pwedeng pakainin basta may patnubay at gabay ng magulang, joke, dapat may patnubay ng tourist guide dahil medyo pilyo ang mga unggoy. Huwag kayong loloko-loko. Haha. Ang naenjoy ko sa pagpunta doon ang yung zipline. At yung ayoko naman doon ay yung mabahong amoy dahil sa dumi ng mga paniki.

Lintaon Peak, Baybay City, Leyte

Pangalawang pinuntahan naming sa araw na ‘to ay yung Lintaon Peak sa Baybay City. Grabe, nakapaganda ng tanawin. Kung pwede lang mag-stay ng matagal doon ay gagawin ko kasi sobrang nakakarelax ang natural na ganda ng mundo. Kung ako babalik dito, magdadala ako ng upuan at alak tapos relax relax lang. Hehe.

Budz Street Food

Bago pala matapos ang araw na ito, kumain muna kami ng chicken inasal at inihaw na chorizo sa may bayan ng Baybay. Grabe, sobrang linamnam ng kinain namin. Isa yun sa di dapat palampasin kapag pumunta sa Baybay City, Leyte.

DAY 4 (May 12, 2017)

cto http://faq.ph/cuatro-islas-leyte-digyo-mahaba-apid-himokilan/

Pumunta kami sa sikat na Cuatro Islas! Yehey! Haha. Sikat dahil na-feature na ito sa ‘Kapuso Mo Jessica Soho’. Ito ang link sa youtube: Kapuso Mo, Jessica Soho: Cuatro Islas ng Inopacan at Hindang, Leyte

Alam niyo nung umaga ng araw na ‘to ay umuulan, muntikan na hindi matuloy ang pagpunta namin sa Cuatro Islas dahil baka malakas ang alon. Pero pinagbigyan kami ni Lord na makapunta. Bigla na lang kasi umaraw at nung bumyahe na kami papunta sa bangka at nagtanong kung pwede ba sumakay, pwede daw dahil hindi malakas ang alon.

Ayun, nag-arkila kami ng bangka para ilibot kami sa Cuatro Islas. These islets are perfect spot for picture taking! At para maligo din, syempre. Napakalinaw ng tubig at puti ang buhangin! Para na rin nagpunta ng Boracay, mas tahimik nga lang at hindi crowded.

DAY 5 (May 13, 2017)

Lake Danao

Araw ng fiesta sa lugar ng tita ko sa Baybay City. Pagkatapos ng kainan, pumunta kami sa pamilihan sa Ormoc City, para mamili ng pasalubong. At itong araw rin na ito, pumunta kami sa Lake Danao Natural Park. Dito, pwede ka makapunta sa gitna ng lawa gamit ang “floating cottage” na pwedeng arkilahin. Pwede ditong mag-swimming pero di na kami nag-swimming dahil kulang na sa oras at wala talaga kaming balak. Haha. Pero napakaganda dito. Nakakarelax ang tanawin.

DAY 6 (May 14, 2017)

cto http://www.lakadpilipinas.com/2016/04/palo-cathedral-leyte.html

Ang huling araw namin sa Leyte, at ito na rin yung araw na kami ay babyahe pauwi ng Cavite. Huhu. Pero bago namin tuluyang lisanin ang Leyte, dumaan muna kami sa Palo Cathedral sa Palo City, Leyte, para manalangin. At dumaan din kami kay MacArthur, hehe, sa MacArthur Landing Memorial Park para magpa-picture.

MacArthur Landing Memorial Park

            At doon nagtatapos ang pagpasyal namin sa Leyte.

            Sa kabuuan ng byahe namin sa Leyte ay worth it, worth it lahat ng pera at pagod namin dahil sa magagandang lugar na nalibot namin doon. Ito siguro yung best birthday gift na natanggap ko sa tatay ko nang bigyan kami ng pera para makasama sa Leyte.

            Kung kayo ay nature lover, ang Leyte ay mayaman din sa kalikasan. May magagandang tanawin, magagandang beach, at may masasarap na pagkain. Ito yung probinsya na di rin dapat palampasin kung gusto libutin ang Pilipinas.

            Sa ating muling pagkikita, Leyte. Paalam!